hasrat-e-dil ko mar kar dekha
bojh sara utar kar dekha

waqt mumkin kahan guzare to
jaise main ne guzar kar dekha

koi meri madad ko aaya nahin
main ne sab ko pukar kar dekha

dagh chehre pe raqs karte rahe
aaine ko sanwar kar dekha

wasl tabir ho nahin sakta
hijr ka khwab mar kar dekha

teri khatir nahin jo karna tha
dekh le wo bhi yar kar dekha

waqt mumkin kahan guzare to
jaise main ne guzar kar dekha

tishnagi kam na ho saki 'kausar'
ek dariya ko par kar dekha