hasraton mein mujh ko uljhaya gaya jhute wadon hi se bahlaya gaya ek nazar mein lut gae sabr-o-sukun ek nazar mein dil ka sarmaya gaya mil gai baad-e-saba ko zindagi ambarin zulfon ko lahraya gaya phir mila koi na milne ki tarah phir wafa ka ahd dohraya gaya raaz tera jis ne bhi jaana kabhi dar par us ko hi khinchwaya gaya jo zamane par na 'raushan' ho saka mujh ko aisa raaz samjhaya gaya