hathon mein jab jam nahin tha
sher sunana aam nahin tha

hum ne bhi tab ishq kiya jab
karne ko kuchh kaam nahin tha

wo bhi thi ek aam si ladki
apna bhi tab nam nahin tha

ek zamana wo bhi tha jab
mandir mein koi ram nahin tha

main ne ek nagri mein dekha
khas tha sab kuchh aam nahin tha

ye to junun-e-ishq hai warna
itna main na-kaam nahin tha

main ne marna behtar samjha
duniya mein aaram nahin tha