hawa ki zid mein hamein ab dua jalana hai
ki hauslon ko zamane ke aazmana hai

gire darakht nahin hum ki phal na paenge
ye aur baat jadon ko abhi zamana hai

diwane darte nahin aandhiyon se wo jin ko
ki ret ka hi sahi ghar magar banana hai

usi se main ne dua yun hamesha hi mangi
agar wo but hai to us ko khuda banana hai

hain ungliyon mein phanse jism chikhti ruhen
unhen to bhuk magar bachchon ki mitana hai

main hun to khak magar khushbuon si hai qismat
hawa ke sath faza mein bikhar hi jaana hai