hawaen jab ghantiyan bajaen to laut aana
kisi ki aankhen diye jalaen to laut aana

bahut dinon tak ye mausam-e-gul nahin rahega
jo shakh-e-jaan par gulab aaen to laut aana

hawa darakhton se jab gale mil ke ro rahi ho
parind lambe safar pe jaen to laut aana

jo zid pe aa jae dil to us ki bhi man lena
purani yaaden bahut sataen to laut aana

firaq ki aag chat jati hai jism-o-jaan ko
jo sun sako waqt ki sadaen to laut aana