hazar karte raho jatan tum jatan ke dam par bujha kahin se
bujha sako to bujha ke dekho ubhar padega

sukut lab ho zamir lekin khamosh mujh ko na rahne dega
pukarne par pukarti hai mere hi andar sada kahin se

yahan wo dar-o-rasan nahin hain kisi ki jaan hai samar kisi ka
lahu kahin se chhalak padega uthega rang-e-hina kahin se

jahan ke zindan mein habs aakhir rahega kab tak sahenge kab tak
jahan to aakhir jahan rahega jahan mein dhundo saba kahin se

numu sukhan mein hai aamadon ki sukhan pe kaamil yaqin mujhe hai
qalam to mera hi chal raha hai pa ho rahi hai ata kahin se