hazrat-e-dil ka tere nam se uthna girna
wahi pahle ki tarah sham se uthna girna

phir chale jaenge wo phir wahi furqat hogi
kis liye wasl ke hangam se uthna girna

kis ko fursat hai yahan kaun aziyyat dega
wo to bas wahshat-e-alam se uthna girna

main mohazzab hun mere sath adab se baitho
main chala jaun to aaram se uthna girna

jab tumhein mujh se zara si bhi mohabbat na rahi
to ghalat hai na mere nam se uthna girna