hijr-e-be-mehr se aazad hua chahte hain din nikalta hai to shab-zad hua chahte hain neamaten pa ke bhi khush hote nahin hain kuchh log aur kuchh sahib-e-aulad hua chahte hain kash ek bar wo sine se laga le hum ko chand lamhe hi sahi shad hua chahte hain ek lamhe ke liye bhul na paen hum ko hum unhen misl-e-dua yaad hua chahte hain ishq wo saat-e-imkan hai jo dhalti hi nahin hum isi waste farhad hua chahte hain 'altamash' thahra tha ek qafila pyason ka jahan hum usi dasht ki rudad hua chahte hain