hijrat ka irada to hamara bhi nahin tha par is ke alawa koi chaara bhi nahin tha do bol bhi mithe nahin the hum ko mayassar yani hamein tinke ka sahaara bhi nahin tha us waqt ke sadmon ne mujhe chat liya hai jo waqt abhi main ne guzara bhi nahin tha kya din the ki gham ho ki khushi dost ki dushman jo tera nahin tha wo hamara bhi nahin tha us shakhs ne zinda bhi nahin chhoda tha mujh ko haalanki mujhe jaan se mara bhi nahin tha