ho agar uljhan ya koi gham tu mujh se baat kar yun na kar aankhon ko apni nam tu mujh se baat kar kaun si shai aasman mein hai nihan mujh ko bata kyon bhala dekhe idhar har dam tu mujh se baat kar guftugu se hi yahan par hal koi ho paega khamushi kar degi ye be-dam tu mujh se baat kar kya diya hai aap ne juz mujh ko ek taswir ke han usi se kahti hun hamdam tu mujh se baat kar chaar din key zist mein bas chaar pal khushiyon ke hain kis liye phir raat din matam tu mujh se baat kar 'rit' kya tanha safar sach mein tujhe khalne laga kya nahin kahta koi jaanam tu mujh se baat kar