ho gai aam mohabbat ki kahani kitni
khak logon ne tere shahr ki chhani kitni

tum nahin the to khatakte the in aankhon mein charagh
tu jo aae to hui raat suhani kitni

ek mohabbat ke hawale se suni hain hum ne
dastanen teri aankhon ki zabani kitni

barha silsila-e-ahd-e-bahaaran ke huzur
ghuncha-o-gul pe hui fatiha-khwani kitni

aae wo aur gae dil mein charaghan kar ke
ek lamhe mein hui baat purani kitni