ho gaya aashiq kisi ka ru-e-taban dekh kar
phans gaya hun main kisi ki zulf-e-pechan dekh kar

kyon tujhe allah ne aisa banaya sang-dil
baat bhi zalim na puchhi mujh ko giryan dekh kar

ek din mujh ko nazar wo khwab mein jo aa gae
chashm raushan ho gai husn-e-farawan dekh kar

abru-e-pur-kham ki chalti hai mere sine pe tegh
tir lagte hain jigar par nok-e-mizhgan dekh kar

hai 'aziz' ab shukr wo gul-ru sukhan sun kar tera
qadr kuchh karne laga tujh ko ghazal-khwan dekh kar