hum azal se an-chahe zabton mein rahte hain
zindagi ka lalach hai qatilon mein rahte hain

hum ajab musafir hain raston se darte hain
manzilon ki khwahish hai aur gharon mein rahte hain

aaj bhi rihai ke kuchh bache-khuche jazbe
hum shikast khurda hum jayyad mein rahte hain

dhundte hain apne kuchh gum-shuda iradon ko
hum ki apne khwabon ki kirchiyon mein rahte hain

kyon bichhadne walon ke aks mar nahin sakte
kyon ye ashk aankhon ke aainon mein rahte hain

sar utha ke chalne ka shauq ho jinhen 'akhtar'
wo to dastanon ya maqtalon mein rahte hain