hum haq pe hain to kahiye sar-e-dar kaun hai ahbab parsa hain gunahgar kaun hai tum hi batao dost wafadar kaun hai mushkil mein aaj apna madad-gar kaun hai pathraw ho raha hai musalsal makan par ab kya bataen hum pas-e-diwar kaun hai suraj ko sath le ke bhi aaen to kya mile kamre hain sab ke band parastar kaun hai 'anjum' hamare pas faqat pyar hi to hai lekin mohabbaton ka kharidar kaun hai