hum pareshan hain teri is zulf bikhrane ke hat
roz-o-shab tadpe hain zalim is ke bal khane ke hat

saqi-e-be-mehr gandum rang ke joron se hi
pis gaya hai jaan-o-dil to hae paimane ke hat

bu agar aawe to yaro kijiyo tum hum ko yaad
sar patak kar mar gae afsos maikhane ke hat

ye na samjhe the ki ab ke aish sab jawega aah
ho gae be-khanuman hum to bahaar aane ke hat

kyon parastish se sanam ki baz aawe 'imtiyaz'
zahida hum bik chuke hain ab to but-khane ke hat