hum rahen ya na rahen par kuchh gila rah jaega
ek aashiq dekhta sa mubtala rah jaega

main khada rah jaunga bas aastan par sochta
phul bhi gul-dan mein hi bas khila rah jaega

dar-ba-dar ho kar yahan se jab chala jaunga main
tab mujhe phir khojta sa ye jahan rah jaega

bas nadi ke pas tak hi log le kar aaenge
is nadi ke ghat par hi qafila rah jaega

zikr bhi hoga nahin tere fasane mein tera
is fasane se nikal kar tu nihan rah jaega