hum tirgi mein shama jalae hue to hain
hathon mein surkh jam uthae hue to hain

us jaan-e-anjuman ke liye be-qarar dil
aankhon mein intizar sajae hue to hain

milad ho ki majlis-e-gham mubtala tere
aangan mein dal ke farsh bichhae hue to hain

hizb-e-haram ne shauq-e-junun ko badha diya
sine se hum buton ko lagae hue to hain

duniya kahan thi pas-e-wirasat ke zimn mein
ek din tha so us pe lutae hue to hain

kab chobdar par hon sar-afraaz dekhiye
us shokh ki nigah mein aae hue to hain