hum se ulfat jatai jati hai be-qarari badhai jati hai dekh kar un ke lab pe khanda-e-nur nind si gham ko aai jati hai gham-e-ulfat ke kar-khane mein zindagi jagmagai jati hai un ki chashm-e-karam pe naz na kar yun bhi hasti mitai jati hai bazm mein dekh rang-e-amad-e-dost raushni thartharai jati hai dekh ai dil wo uth rahi hai naqab ab nazar aazmai jati hai un ke jate hi kya hua dil ko shama si jhilmilai jati hai teri har ek baat mein 'ehsan' ek na ek baat pai jati hai