hun main bhi shoabada koi duniya ke samne
hairan ho rahi hai mujhe pa ke samne

zarre ne aaj apni haqiqat ko pa liya
zarra na sar-nigun hua sahra ke samne

uksa rahi hai koi khalish der se mujhe
rakh dil sa phul khar-e-tamanna ke samne

khalwat mein kar raha tha gunahon ka e'tiraf
honton ko wa na kar saka duniya ke samne

'asif' tamam marhale aasan ho gae
thahri na ek chatan bhi dariya ke samne