hunar-wari ko na shoala na rakh dagh bana
jo dil mein lau hai use sher mein charagh bana

wahin se ishq-e-musalsal se aaegi khushbu
alag-thalag hi sahi koi apna bagh bana

parinde baithe hue the shajar ke pahlu mein
ki shor-o-ghul ka sabab ek ghol-e-zagh bana

bana raha hun main ek naqsh teri chahat ka
kabhi to dil ye bana hai kabhi dimagh bana

usi ke nam ki takhti ne rahnumai ki
wahi to gum-shuda 'manzar' ka ek suragh bana