husn par hai khub-ruyan mein wafa ki khu nahin
phul hain ye sab pa in phulon mein hargiz bu nahin

husn hai khubi hai sab tujh mein pa ek ulfat nahin
aur sab kuchh hai pa jo hum chahte hain so nahin

ghar ujala tum kun karna ho agar ehsan ka
to diya jo kuchh ke ho phir nam us ka lo nahin

baat jo hum chahte hain so to hai tum mein sajan
be-dahan kahte hain tu kya dar ki tum ko go nahin

'abru' hai us kun kyun-kar is tarah ka jaaniye
tum to kahte ho par aisa kaam us sin ho nahin