ilahi bulbul-e-gulzar-mani kar lisan mera
ba-rang-e-abr-e-naisani sukhan gauhar-fishan mera

sune par howen ushshaqan ye mani ramz sun sarmast
le jawen faiz ghawwas-e-haqiqat haq-rasan mera

latafat gulbun-e-husn jahan-ara samajh ai dil
hua hai zulf aur rukhsar-e-jaanan aashiyan mera

diya hai aab-o-tab-e-chashm dana khal-e-ariz ka
kaho sab us ko ab qatil hai yarab dilsitan mera

hua hai manzar-e-chashm-e-nazar manzur-e-ushshaqan
dar-o-diwar sun dista nishan-e-be-nishan mera

'alimullah' khamosh ab ramz asrar-e-ilahi ka
samajhta hai kahan har shakhs masti ka bayan mera