in aankhon se yun rah-e-sukhan wa nahin karte
khamosh raha karte hain bola nahin karte

andesha-e-tufan-e-bala-khez bahut hai
is waste hum qatre ko dariya nahin karte

parwa nahin kuchh un ko hamari to hamein kya
rukh un ki taraf hum bhi ziyaada nahin karte

gharqabi ka itna hi agar dar hai to ye log
kyon sahil-e-dariya se kinara nahin karte

bas qatra-e-khun se ubhar aate hain kai rang
hum sine pe khud bagh lagaya nahin karte