'inayat mujh pe farmate hain shaikh-o-barhaman donon muafiq apne apne apne pate hain mera chalan donon tarane mere ham-ahang dair-o-ka’ba mein yaksan zaban par meri mauzun hoti hai hamd aur bhajan donon mujhe ulfat hai sunni se bhi shi’a se bhi yari hai akhade mein dikha sakte hain dilkash bankpan donon mujhe hotel bhi khush aata hai aur thakur duwara bhi tabarruk hai mere nazdik parshad aur mutton donon