inqalab aa gaya dekhiye ban gae but khuda dekhiye gham ke maron se kya wasta aap bas aaina dekhiye main ne khae hamesha fareb mera zauq-e-wafa dekhiye aap ki laj rakkhe khuda aap hain nakhuda dekhiye hum se sab bad-zan-o-bad-guman un ke sab ham-nawa dekhiye dil to hazir hai lekin huzur aap hain khud-numa dekhiye shaikh ji hai ye shahr-e-butan pahle aab-o-hawa dekhiye un ki nazren hain badli huin kya dikhae khuda dekhiye zulm 'anjum' wo karte rahe main bhi hansta raha dekhiye