insan hawas ke rog ka mara hai in dinon
be-laus rabt kis ko gawara hai in dinon

dil ab mera dimagh ke tabe hai is liye
jina tere baghair gawara hai in dinon

mahrumiyon ko man ke taqdir ka likha
dil se ghamon ka bojh utara hai in dinon

mauzun hai waqt aamad-e-tufan ke liye
kashti se meri dur kinara hai in dinon

kuche mein zindagi ke talash-e-sukun mein
ek yug bhatak ke main ne guzara hai in dinon