iradon ka badan koi bhi painda nahin rakhta
mera ism-e-mukabbir hi mujhe zinda nahin rakhta

ab us ki hakimiyyat chand pahron tak simat aai
wo aise haal mein bhi fikr-e-ainda nahin rakhta

chala aata hun main ilzam se pahle katahre mein
adalat mein ana ki khud ko sharminda nahin rakhta

sabhi lahjon ne dars-e-afiyat to yaad rakkha hai
musawi soch lekin koi bashinda nahin rakhta

main aise sar-phire logon mein basta hun jahan 'akhtar'
qabila khatm ho jae numainda nahin rakhta