is liye taish aa gaya tha mujhe
wo hansi mein uda gaya tha mujhe

tab ye kaghaz waghaira hote na the
pattharon par likha gaya tha mujhe

is jagah thik se zara dekho
wo yahin par chhupa gaya tha mujhe

mujh ko is baat par hansi aai
duniya jaisa kaha gaya tha mujhe

raat main us pe thoda ghussa hua
aur phir pyar aa gaya tha mujhe

asl mein us taraf bulandi thi
jis taraf tu gira gaya tha mujhe

jaane phir kya bana kahani ka
azhdaha ek kha gaya tha mujhe