is liye teri hui dasht-hansai bhai
tu ne jaldi mein zara khak udai bhai

aakhir-e-kar koi uzr use mil hi gaya
ye mohabbat bhi kisi kaam na aai bhai

main hun kone mein pada tuta hua kangan aur
zindagi ek hasina ki kalai bhai

tab mera sara badan kan mein tabdil hua
jab kisi ne mujhe aawaz lagai bhai

awwal awwal ye zamin thahri rahi ek jagah
phir kisi aankh ne putli thi ghumai bhai