is masafat mein kitne dar guzre
teri manzil se hum kidhar guzre

the musafir safar jacha na jinhen
qafile un pe raat bhar guzre

meri aankhon ko chhodne wale
mera darwaza band kar guzre

raat paband hai to din bakhsho
aa bhi jao ki dopahar guzre

bad-gumani se kya bachenge hum
bad-gumani jo aap par guzre

kya guzarti rahi guzarne tak
aur guzre to be-asar guzre

bazm-e-hasti mein yar 'amir'-khan
marne aae the aur kar guzre