is sadi mein to sadaqat par sitam aisa hua hai
panw chhodo par pasare chhal kapat phaila hua hai

han dhuen pe qatl ka ilzam aaega yaqinan
kyunki ye har martaba kuchh khak kar paida hua hai

ek taraf rakkhi mohabbat ek taraf hai fikr yani
ek taraazu mein wazan ka ek hi palda hua hai

dekhte hain but sabhi ye masala hairan ho kar
kis qadar yan aadmi ab aap hi maula hua hai

raat bhar dikhta raha ek shakhs mujh ko khwab ban kar
soch kar wo khwab hi din aaj ka zaea hua hai