ishq ke khwabon mein gum ek zindagi hoti rahi
yani hum se pairwi-e-tirgi hoti rahi

naukri phir aashiqi ye hi hain apne regzar
zindagi ki daud hi aawargi hoti rahi

dil hi dil mein jaane kab tak chhed khwabon se chali
dil hi dil mein jaane kab tak dil-lagi hoti rahi

aise pyason ki hukumat hogi dariyaon pe ab
jin ki gagri mein bhi shamil tishnagi hoti rahi

ishq tum se hi rahega wo yahi kahta raha
waqt-e-rukhsat main fida-e-sadgi hoti rahi