ishq ki rah mein jo dar-o-rasan hai kyun hai sar katane ki har ek dil mein lagan hai kyun hai jis ki khushbu se moattar hain wafa ki rahen mere sine mein wo zakhmon ka chaman hai kyun hai jis mein likkhi hai tawarikh kai sadiyon ki waqt ke sar pe padi aisi shikan hai kyun hai kya use ishq se mahrum rakha qudrat ne shams ke sine mein jo itni jalan hai kyun hai mujh pe bandish ye ki us par main ghazal bhi na kahun gul-badan hai wo agar ghuncha-dahan hai kyun hai mujh se puchho na sabab main na bata paunga us se milne ka agar mera ye man hai kyun hai us ko malum hain duniya ki misalen lekin ishq ke sahra mein jo dil ka hiran hai kyun hai kitna maghrur tha wusat pe jo apni lekin mere ek naqsh-e-qadam par wo gagan hai kyun hai jis ke padne se 'nadim' apna badan khil jae ishq ki lau mein bhala aisi kiran hai kyun hai