ishq kya hai gham-e-hasti ka fana ho jaana paikar-e-khak ka mit mit ke khuda ho jaana ye du do-jahan hai teri zulfon ka asir ras aaya hai use said-e-bala ho jaana na-khudai pe hai naz ahl-e-safina hushiyar na-khuda chahta hai aap khuda ho jaana sainkadon sajdon mein waiz ko hua hai hasil zinat-e-mahfil-e-arbab-e-riya ho jaana faiz-e-asi hai ki is bazm-e-sukhan mein 'qaisar' hai mayassar mujhe yun garm-nawa ho jaana