kahin pe rukte hue aur kahin guzarte hue
khajil to khub hue nazirin guzarte hue

main ek nigah ki duri pe istada tha
guzarne wale ne dekha nahin guzarte hue

teri hawaen ki jaana tha aur samt unhen
mere nawah mein ruk si gain guzarte hue

main sab se pahle jise bhulne mein jaldi ki
wo yaad aaya dam-e-akhrin guzarte hue

guzar na jae bashaarat ki saat-e-awwal
zara si der ruken zaerin guzarte hue