ittifaq apni jagah khush-qismati apni jagah
khud banata hai jahan mein aadmi apni jagah
kah to sakta hun magar majbur kar sakta nahin
ikhtiyar apni jagah hai bebasi apni jagah
kuchh na kuchh sachchai hoti hai nihan har baat mein
kahne wale thik kahte hain sabhi apni jagah
sirf us ke hont kaghaz par bana deta hun main
khud bana leti hai honton par hansi apni jagah
dost kahta hun tumhein shaer nahin kahta 'shuur'
dosti apni jagah hai shaeri apni jagah