ja na paoge kisi surat wo surat chhod kar lakh koshish se chhupai hai jo hasrat chhod kar kuchh na kahne se masail hal nahin hote kabhi ghutte rahna zindagi bhar ek zarurat chhod kar aati hain jo khushbuen in khidkiyon se aaj bhi ishq guzra tha kabhi apni ishaarat chhod kar dil ko hona hai fana rahna hai qaem aql ko hasti-e-adam kahan jae ye fitrat chhod kar bandagi mein bhi hamein koi talluq chahiye mitti kab rah pai hai mitti ki murat chhod kar tu sarapa hai sukun yani faqat sabr-o-qarar dil to mar jaega lekin apni hairat chhod kar