jaan-e-ayyam-e-dilbari hai yaad
sair-e-gul-zar-o-mai-khori hai yaad

dekhta nahin suraj kun nazran bhar
jis kun tujh jama-e-zari hai yaad

khub phuli thi bagh mein nargis
gul-e-sad-barg-o-jafari hai yaad

wo charaghan o chandni ki raat
sair-e-hat-phul o phuljhadi hai yaad

wo tamasha o khel holi ka
sab ke tan rakht-e-kesari hai yaad

ho diwana jangal mein kyun na phire
jis ko wo saya-e-pari hai yaad

ai siyah mast meri ankhiyon ki
lal baadal ki tujh jhuri hai yaad

jab tuman pas 'faez' aaya tha
baat kahna bi sarsari hai yaad