jab bhi dekha hai baja dekha hai
aaina khak hua dekha hai

ye meri aankh nahin fitna hai
us ne har shakhs khuda dekha hai

baat karte ho rawani ki tum
main ne dariya ko ruka dekha hai

jaane kitne hi zamane guzre
main ne har roz naya dekha hai

zahr ko zabt kiye baitha hun
yun to har dasht hara dekha hai

raat bhar nind nahin aati mujhe
main ne insan mara dekha hai

main ne iman ki khatir 'daem'
sar ko neze pe chadha dekha hai