jab mohabbat ki koi nazm sunai main ne aag bahte hue pani mein lagai main ne waqt-e-rukhsat mera dil dub raha hai lekin phir bhi aankhon mein nami aaj na lai main ne kuchh sila mil nahin paya tere diwane ko shahar ki tere abas khak udai main ne yak-ba-yak chaar-su khilne lage tan man mein gulab us ki taswir jo sine se lagai main ne qaid mein tere main khush-bash jiya karta tha is liye to kabhi chahi na rihai main ne