jab na tab suniye to karta hai wo iqrar baghair
guftugu hum se use par nahin inkar baghair

bazm mein raat bahut sada-o-pur-fan the wale
garmi-e-bazm kahan us but-e-ayyar baghair

dekh bimar ko tere ye tabibon ne kaha
ho chuki us ko shifa sharbat-e-didar baghair

jaan par aa bani hamdam meri khamoshi se
baat kuchh ban nahin aati hai ab izhaar baghair

jis ki khatir ke liye yar sab aghyar hue
kyun ki 'diwana' bhala rahiye ab us yar baghair