jab nigahon ke ishaare raqs karte hain
tab dilon mein bhi sharare raqs karte hain

aashiqi mein sab bichaare raqs karte hain
ishq mein barbaad sare raqs karte hain

wasl ki us ek ghadi ke jashn mein aksar
aasman par sab sitare raqs karte hain

raste se jab bhi guzre yar mera tab
mere ghar ke sab manare raqs karte hain

dubti kashti kabhi jab par hoti hai
sath lahron ke kinare raqs karte hain

tujh ko dekhen hum 'tabassum' ya inhen dekhen
dekh kar tujh ko nazare raqs karte hain