jab se dil shaida hua hai us but-e-be-pir ka
baadshah main ban gaya hun ranj ki jagir ka

dekh kar taswir apni ban gae taswir wo
khub jhagda hoga ab taswir se taswir ka

hai sar-e-baalin masiha aur malk-ul-maut bhi
ab taqaza dekhna tadbir se taqdir ka

khak-e-pa-e-dilruba lana tabibo dhund kar
kaam mitti se liya jata hai ab iksir ka

kis ko dhundun kaun ai 'asghar' padhe tahrir ko
kuchh padha jata nahin likkha meri taqdir ka