jab sin dekha hun yar ki surat
gul kun bujha hun khar ki surat

kyun na hue qatl dam-ba-dam aashiq
hain bhawen zul-fiqar ki surat

mujh kun aaina-e-tasawwur hai
dilbar-e-gul-ezar ki surat

dil ne mere kiya hai tauq-e-gulu
zulf-e-gul-ru hai haar ki surat

na-umidi mein jalwa-e-didar
hai khizan mein bahaar ki surat

safha-e-dil pe sina-chaakon ke
naqsh hai us nigar ki surat

kaghaz-e-abr par likha hai 'siraj'
dida-e-ashk-bar ki surat