jab subh ka manzar hota hai ya chandni-raaten hoti hain us waqt tasawwur mein un se kuchh aur hi baaten hoti hain jab dil se dil mil jata hai wo daur-e-mohabbat aah na puchh kuchh aur hi din ho jate hain kuchh aur hi raaten hoti hain tufan ki maujon mein ghir kar pahuncha bhi hai koi sahil tak sab yas ke aalam mein dil ko samjhane ki baaten hoti hain kyun yaad 'shamim' aa jate hain wo apni mohabbat ke lamhe jab ishq ke qisse sunta hun jab husn ki baaten hoti hain