jab tak ye ghar mein qaid thi kitna sukun tha ab sath sath chalti hai tanhaiyan meri aah-o-fughan bhi raegan hai un ke shor mein dushman bani hui hai ye shahnaiyan meri ek aaftab matla-e-dil par hua tulua qaus-e-quzah mein chhupa gai parchhaiyan meri pahra hate jo un ka to main khul ke sans lun chhodengi kab akela ye tanhaiyan meri har subh jagte hue main sochta hun 'nur' kahti hai kuchh na kuchh to ye angdaiyan meri