jab us ke wasl ki khwahish jawan ho rahi thi
wo shahzadi yaqin se guman ho rahi thi

wo mere pyar se munkir hui thi us pal jab
qasam utha raha tha main azan ho rahi thi

main us se ishq pe ghanton se bahs kar raha tha
na mere ashk ruke na thakan ho rahi thi

juda hui thi wo jab dil pe war karne ko
falak pe qaus-e-quzah bhi kaman ho rahi thi

wo ladki kitni haqiqat-pasand thi 'ammar'
hansi-khushi se jo khud dastan ho rahi thi