jab wo mujh se bole hai
lafzon ko kyon tole hai

us ka khwabida lahja
nind aankhon mein ghole hai

yaadon ki nayya mein dil
raat ko tanha dole hai

raaton ka sannata bhi
raaz hazaron khole hai

is duniya mein kaun hai jo
apna zehn tatole hai

azm jawan ho to insan
koh ke patthar dhole hai

paisa hai pani jaisa
qatil daman dhole hai

zarf to dekho daman ka
kitne ashk samo le hai

man panchhi ghabra kar ab
udne ko par tole hai

mahfil se hat kar 'bebak'
tanhai mein ro le hai