jahan-e-rang-o-bu mein kya nahin hai magar koi kahin tujh sa nahin hai bahut phaila hai ye shahr-e-tamanna yahan mumkin sukun pana nahin hai hanse jo aabla-pai pe teri wo tera ham-safar tera nahin hai na itra is qadar baad-e-khizan tu koi patta abhi sukha nahin hai nahin koi nahin hai mere jaisa mera saya bhi mujh jaisa nahin hai jise sadiyon se khun-e-dil se sincha wo gulshan aaj bhi apna nahin hai wo jis se 'naz' tum ghabra rahe ho koi aaseb ya saya nahin hai