jahan koi nahin hota hai wahan chikhta hai ye mera dost mere sath kahan chikhta hai chup hi rahne ki tamanna tere darwesh ko hai warna jis shakhs ko milta hai ziyan chikhta hai baz auqat jo cigarette main kuchal deta hun adh-jale sokhta cigarette ka dhuan chikhta hai jab kabhi sher mein lane ki tujhe koshish ho lafz siskariyan bharte hain guman chikhta hai apne 'sarwat' ki kahani se nahin waqif tum nam se is ke station bhi miyan chikhta hai